Full Time وروستۍ نېټه: 2026-12-05

په ننګرهار وادي کرنیز امارتي شرکت کې د مالي متخصص NTA (Re Announced) دنده، Nangarhar

🏢 ننګرهار وادي کرنیز امارتي شرکت · 📍 Nangarhar

د اعلان لنډیز

Type
Full Time
Location
Nangarhar - Nangarhar- Jalal abad
Category
Finance
Published
2026-11-16
Nationality
Afghan
Gender
Male
Salary
د ادارې د پالیسي سره سم
Contract Duration
یو کال (تمدید وړ)
Vacancy Number
NVAEC 1
No of Job
1

د ادارې په اړه

ننګرهار وادي کرنیز امارتي شرکت (کانال ) یوه زراعتي پروژه ده چې لومړنۍ سروې او ډيزاین یې په ۱۳۴۱ لمریز کال کې پیل او په ۱۳۶۳لمریز کال کې پای ته ورسېدل، دا کانال په یوه ثانیه کې د ۵۰ متره مکعب اوبو د رسولو او د (۳۱۰۰۰) هکتاره ځمکې د خړوبولو وړتیا لري چې د ننګرهار ښکلي ولایت کې د اویا کیلومتره په اوږدوالي د پنځو ولسوالیو(سره رود ، بهسود، بټي کوټ ، غني خېل او مومند درې ) پورې رسیږي او څلور میکانیزه فارمونه لري.

د دندې لنډیز

د ننګرهار وادي کرنیز امارتي شرکت غواړي د مالي چارو څارنې ، مالي تحلیل ، شفافیت ، د عوایدو او لګښتونو د ښه مدیریت په موخه مالي متخصص چې لاندې اساسي دندو او مسؤلیتونو ترسره کولو وړتیا ولري په قراردادي ډول په دنده وګماري.

۱- د شرکت د مالي راپورونو، بودیجې، عوایدو او مصارفو تخنیکي تحلیل او ارزونه.

۲- د مالي صورتونو، حسابدارۍ اسنادو او مالي شاخصونو څېړنه او د هیئت مدیره ته تحلیلي راپور وړاندې کول.

۳- د مالي پلانونو، پانګونو، پراختیايي پروژو او لویو مالي معاملو اقتصادي او مالي تحلیل ترسره کول.

۴- د مالي خطرونو تشخیص، ارزونه او د کنټرول لپاره مسلکي وړاندیزونه چمتو کول.

۵- د داخلي کنټرول، مالي شفافیت او حساب ورکونې میکانیزمونو ارزونه او د اصلاح وړاندیزونه وړاندې کول.

۶- د مالي قوانینو، مقرراتو او شرکت د مالي پالیسۍ د تطبیق وضعیت ارزول.

۷- د عوایدو د زیاتوالي، لګښتونو د مؤثریت او د مالي سرچینو د ښه مدیریت په اړه تخنیکي مشورې ورکول.

۸- د هیئت مدیره د مالي موضوعاتو لپاره مسلکي تحلیلونه، نظریات او راپورونه ترتیبول.

۹- د اړتیا په صورت کې د مالي تفتیش او ارزونې پروسو سره تخنیکي همکاري کول.

شرایط او مهارتونه

۱- لږ تر لږه د اقتصاد، مالي مدیریت، حسابدارۍ، بانکدارۍ یا اړونده څانګو کې ماستري سند؛ د ACCA یا معادل مسلکي اسنادو لرونکو ته لومړیتوب ورکول کیږي.

۲- لږ تر لږه (۵) کاله په مالي مدیریت، حسابدارۍ، مالي تحلیل، تفتیش (Audit) یا اړونده برخو کې کاري تجربه.

۳ - د مالي صورتونو (ترازنامه، د عوایدو او مصارفو راپور، د نغدو پیسو جریان) د تحلیل، ارزونې او د مالي خطرونو د مدیریت وړتیا.

۴ - د بودیجې جوړونې، مالي پلان جوړونې، لګښت تحلیل (Cost Analysis) او پانګونې د ارزونې مسلکي مهارت.

۵ - د هېواد د مالیاتو د قانون، ملي مالي قوانینو، د نړیوالو حسابدارۍ معیارونو (IFRS) او مالي طرزالعملونو په اړه بشپړه پوهه.

۶ - د مالي معلوماتي سیستمونو او کمپیوټري پروګرامونو لکه QuickBooks او Advance Excel سره په مسلکي کچه بلدتیا.

۷ - د تحلیلي او مالي راپورونو د لیکلو، د ډېټا د تحلیل او د ادارې د عوایدو د لوړولو لپاره د مسلکي وړاندیزونو د چمتو کولو وړتیا.

۸ - په ملي ژبو (پښتو/دري) او انګلیسي ژبه (رسمي مالي لیکنو) پوره برلاسی درلودل

د غوښتنې لاره

په شرایطو برابر کسان دې تحصیلي اسناد او خلص سوانح په ټاکل شوې موده ( اعلان د پای نېټې څخه مخکې) د ننګرهار وادي کرنیز امارتي شرکت ایمېل ادرس ته ولیږي.

یادؤنه: اسناد په فزیکي ډول نه اخیستل کیږي.

ایمیل / فورم درخواست: Email / Application Form: hr@nvaec.gov.af

⚠️ همکار او ریښتیني کارګمارونکي د استخدام لپاره هېڅ پیسې نه غواړي. که چا پیسې وغوښتې، غوښتنه مه کوئ.

خپله سي‌وي په همکار کې جوړه کړئ چې نور کارګمارونکي هم مو پیدا کړي.

ورته اعلانونه

د اعلان سرچینه: ACBAR